Masamang Pangitain ang Ulan sa Mainit na Abril
Mas nararanasan ko ang Tagtuyot
Sa biglang pagbuhos ng ulan.
Sumikip ang trapik.
Nagreklamo ang mga tao.
Nagbabadya ang kaguluhan.
_
Paparating na ang mga unos.
Abril 11, 2007
| Sun | Mon | Tue | Wed | Thu | Fri | Sat |
|---|---|---|---|---|---|---|
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 |
« March 2007 | Main | May 2007 »
Mas nararanasan ko ang Tagtuyot
Sa biglang pagbuhos ng ulan.
Sumikip ang trapik.
Nagreklamo ang mga tao.
Nagbabadya ang kaguluhan.
_
Paparating na ang mga unos.
Abril 11, 2007
Nagagalit ang paslit
Sa liwanag ng umaga
Dahil hinihigop nito ang kanyang mga magulang.
_
Iniaalay naman ng taga-lupa ang sarili sa alok ng dagat.
Habang dinidilaan ng init
Ng Marso, Abril, at Mayo.
_
Wala nang magawa ang magsasaka
Kung di ang magpatubig ng luha
Kapag pinapak na ng tagtuyot ang kanyang mga pananim.
_
Pati rin yata ang bakunawa at minokawa,
Naglaho na ang makulay na alamat
matapos mabaliktad at lunukin ng katiting na liwanag.
_
Ako naman, sa ilalim ng puno,
Nakakulong sa rehas ng imperyo
Ng emperador ng tanghali.
_
Hinihintay na tikman ng gutom na araw.
_
Lahat tayo, naranasan nang kainin ng araw.
Abril 10, 2007
Pinturahan ng pula ang
Bayan sa halalan.
_
May dalawang paraan:
_
Paliguan ng kamatis
Ang mga puro pangakong kandidato
o
Paliguan ng bala
Ang mga nagrereklamong taongbayan.
Abril 9, 2007
Ngayong Biyernes Santo,
Patay ang Diyos.
Tanging ang kanyang ina
Ang maliwanag
Na sumalok ng luha
Ng madilim na langit.
Abril 5, 2007
Nang isama'ng aso't unggoy
Sa kaniyang paglalaboy,
Ang batang si Momotaro
Ay naging Amerikano.
_
Nang pinatay ang halimaw
Na walang kalaban-laban
Ang batang si Momotaro
Ay naging Amerikano.
_
Nang naghari sa kuwento
At nalamangan ang bobo,
Ang batang si Momotaro
Mas naging Amerikano.
Abril 2, 2007
Lahat tayo,
Mula pa sa sinapupunan
Ay naghahanap na
Ng liwanag.
_
Kailangan ang liwanag
Para makakita,
Para makahakbang,
Para mabuhay.
_
Pero madalas
Nalululong tayo
Sa liwanag,
Na kapag sumobra'y
Nakabubulag
Nakapapaso
Nakamamatay.
Abril1-2, 2007
Nang mapansin ng boyscout
Na siya na lang ang mag-isa sa gubat,
Di niya inisip ang maligaw
At di na makabalik sa walang alam na campsite.
Mas inuna niyang pagka-abalahan
Ang nag-iisa niyang dalang pork and beans.
Pinilit na buksan, (malamang tinamaan na ng gutom)
Pinisil nang mabuti ng kanyang dalawang palad,
Kiniskis sa mga matatandang puno,
Inuntog sa lahat ng makitang bato,
At piniga nang todo ng kanyang dalawang hita.
Hanggang sa maalala niya ang kuwento
Tungkol sa diwatang nangunguha ng lalake sa gubat,
Bigla niyang nabitawan ang dalang delata.
Saka lang ito nabuksan at tuluyang naubos ang laman
Sa pisngi ng kagubatan.
Tuluyan nang nagutom at naligaw ang boyscout
Na humihingi ng patawad sa diwata ng kagubatan.
Marso 29, 2007